【མཚོ་སྔོན་ལྷོ་རྒྱུད་ཀྱི་སྨན་བཅོས་རོགས་སྐྱོར】ནུས་ཆེའི་སློབ་གྲྭས་..

དུས་བདེའི་སློབ་གྲྭ་འཛུགས་སྐྲུན་བྱེད་ཤུགས་སྔར་བས་ཆེ་རུ་གཏོང་བ་དང་།ཆུ་དམར་ལེབ་རྫོང་གི་དགེ་རྒན་དང་ལས་བཟོ་ཚོའི་འཕྲལ་སྡོམ་མྱུར་སྐྱོབ་ནུས་པ་ཁྱོན་ཡོངས་ནས་ཆེ་རུ་གཏོང་བ།སློབ་གྲྭའི་ཐོལ་བྱུང་ཐོལ་བྱུང་དོན་རྐྱེན་ལ་ཁ་གཏད་ནུས་ལྡན་འཇལ་བ།ས་མཐོའི་འབྲོག་ཁུལ་གྱི་གཞོན་ནུ་ལོ་ཆུང་གི་ཚེ་སྲོག་བདེ་ཐང་དང་བདེ་འཇགས་འགན་ལེན་བྱེད་པ།ཆུ་དམར་ལེབ་རྫོང་མི་དམངས་སྨན་ཁང་གི་ཚོགས་སྒྲིག་རྣམ་པའི་སྨན་བཅོས་རོགས་སྐྱོར་རུ་མི་ཆུ་དམར་ལེབ་རྫོང་སློབ་ཆུང་དུ་སྐྱོད་པ།སློབ་གྲྭ་ཡོངས་ཀྱི་དགེ་རྒན་100ལྷག་ཙམ་ལ་ཁྱོན་ཡོངས་ལ་ཁྱབ་པ་དང་།དོན་དངོས་རང་བཞིན་ཧ་ཅང་ཆེ་བའི་སློབ་གྲྭའི་འཕྲལ་སྡོམ་མྱུར་སྐྱོབ་ཤེས་བྱའི་ཆེད་དོན་གསོ་སྦྱོང་བྱེད་པ་བཅས་བྱ་ཆེད།ད་ཐེངས་ཀྱི་གསོ་སྦྱོང་ནང་སློབ་གྲྭར་ཐོན་མང་བ་དང་།ཐོལ་བྱུང་།རྒྱུན་མཐོང་བཅས་ཀྱི་བདེ་འཇགས་ལས་འཛོལ་ཐོན་རྒྱུར་དམ་པོར་དམིགས་ཏེ་འབྲོག་ཁུལ་གྱི་སློབ་གྲྭའི་དོན་དངོས་དང་ཟུང་འབྲེལ་བྱས་ཏེ་སྙིང་གློ་བའི་སླར་གསོ(CPR)དང་ཧའེ་མུའུ་ལི་ཁེའི་རླུང་ལམ་གྱི་དངོས་པོ་མི་འདྲ་བ་མྱུར་སྐྱོབ་དང་།རྒྱུན་མཐོང་གི་རྨས་སྐྱོན་སེལ་བ།རྨ་ཁ་དཀྲིས་བ།གཏན་འཇགས་རྨས་སྐྱོན་ཕོག་པ་སོགས་ཀྱི་བདེ་འཇགས་ལས་འཛོལ་ཐག་གཅོད་བྱེད་པའི་ལྟེ་བའི་རྩལ་ནུས་གཙོ་གནད་དུ་བཟུང་ནས་སྤེལ་བ་རེད