མཚོ་སྔོན་རྒྱ་གྲམ་དམར་རྟགས་སྨན་ཁང་གི་མཆིན་པ་མགོ་ལོག་དར་ལག་རྫོང་དུ་འབུ་ཐུམ་གྲལ་བཤེར་ལས་དོན་སྤེལ་བ།

《2025ལོའི་མཚོ་སྔོན་ཞིང་ཆེན་གྱི་ཐུམ་འབུའི་ནད་འགོག་བཅོས་རྣམ་གྲངས་ལག་བསྟར་ཇུས་གཞིའི》ཡིག་ཆའི་ནང་དོན་ལ་གཞིགས་ན།ཐུམ་འབུའི་ནད་འགོག་བཅོས་ལས་དོན་ལ་མུ་མཐུད་ཤུགས་སྣོན་བརྒྱབ་ནས་ཐུམ་འབུའི་ནད་མཆེད་རྒྱུ་སྔར་བས་ཚོད་འཛིན་བྱ་ཆེད།ཟླ་3པ་ནས་4པའི་བར་མཚོ་སྔོན་རྒྱ་གྲམ་དམར་རྟགས་སྨན་ཁང་གི་གློ་བའི་གཉན་ཚད་ཕྱི་ནད་མཉམ་འབྲེལ་སྒྲ་བརྒལ་ཚན་ཁག་གིས་གྲུབ་པའི་ཆེད་ལས་ཚོགས་པ་གྲུབ་ནས་གཙོ་གནད་དར་ཁྱབ་ཁུལ་མགོ་ལོག་དར་ལག་རྫོང་དུ་འབུ་ཐུམ་གྲལ་བཤེར་ལས་དོན་སྤེལ་བ་རེད།

ད་ཐེངས་དུས་ཡུན་ཟླ་1ཙམ་གྱི་གྲལ་བཤེར་དེ་དར་ལག་རྫོང་བདེ་ཞིང་ཤང་དང་།ལག་མཐིལ་ཤང་།ནག་ཚང་ཤང་བཅས་སུ་ཁྱབ་ཡོད་པ་རེད།གྲལ་བཤེར་མི་ཚོགས་ལ་ཞག་སྡོད་སློབ་ཆུང་དང་།བུ་བཅོལ་ཁང་།ས་གནས་དེ་གའི་གྲོང་མི་བཅས་ཚུད་ཡོད་པ་རེད།མཚོ་སྔོན་རྒྱ་གྲམ་དམར་རྟགས་སྨན་ཁང་གི་རིགས་གཅིག་མཁས་ཅན་དང་ས་གནས་དེ་གའི་ནད་ཡམས་སྔོན་འགོག་ཚོད་འཛིན་ལྟེ་གནས་ཀྱིས་གཞོགས་འདེགས་ཧུར་ཐག་བྱས་ཏེ་ཁྱོན་མི་6700ལྷག་ཙམ་གྲལ་བཤེར་དང་དྲིལ་བསྒྲགས་ལག་དེབ་2000ཙམ་སྤྲད་པ་རེད།ཐུམ་འབུའི་ནད་ཀྱི་ཤེས་བྱ་འགྲེལ་བཤད་དང་བདེ་ཐང་གི་ཤེས་བྱ་དྲིལ་བསྒྲགས་བྱས་པར་ས་གནས་དེ་གའི་མང་ཚོགས་ཀྱི་དང་ལེན་དང་བསྔགས་བརྗོད་ཐོབ་ཡོད་པ་རེད།