སྨན་ཁང་གི་ཁག་བདུན་པའི་མཚོ་སྔོན་ལྷོ་རྒྱུད་སྨན་བཅོས་རུ་ཁག་དེ་ཡུལ་...

ཟླ་7ཚེས་15ཉིན་མཚོ་སྔོན་རྒྱ་གྲམ་དམར་རྟགས་སྨན་ཁང་གི་ཁག་བདུན་པའི་མཚོ་སྔོན་ལྷོ་རྒྱུད་སྨན་བཅོས་རོགས་སྐྱོར་རུ་ཁག་སྦྲིད་སྨན་སྨན་པ་ཀའོ་ཅོན་དང་གཤགས་བཅོས་ཁང་གི་སྨན་གཡོག་ཐང་ཆི་ཁྲེན་ཡུལ་ཤུལ་བོད་རིགས་རང་སྐྱོང་ཀྲོའུ་ཁྲི་སྟོད་རྫོང་དུ་འབྱོར་རྗེས་འཕྲལ་མར་ལས་ཀ་བྱེད་འགོ་ཚུགས་པ་རེད།ཉིན་དེར་སྨན་བཅོས་རོགས་སྐྱོར་ཚོགས་པ་དང་ཅང་སུའུ་མཚོ་སྐྱོར་སྨན་བཅོས་རུ་ཁག་དང་དེ་བཞིན་རྫོང་སྨན་ཁང་དང་མཉམ་དུ་སྦྲེལ་མཐུད་དམ་ཟབ་བྱས་ཏེ་མཉམ་དུ་དམག་འཐབ་བྱས་ཏེ་རྒྱུ་ལྷག་གཉན་ཚད་ཕོག་པའི་ནད་པ་ཞིག་ལ་གཤགས་བཅོས་བྱས་པ་དང་འབྲེལ“ལས་གནས་སུ་འབྱོར་མ་ཐག་ལས་གནས་སུ་སྐྱོད་པའི”མཚོ་སྐྱོར་མྱུར་ཚད་མགྱོགས་སུ་བཏང་བ་རེད།

ངས་བལྟས་ན།

ཛ་དྲག་གི་གནས་ཚུལ་ལ་དམིགས་ནས།སྨན་བཅོས་རོགས་སྐྱོར་རུ་མི་དང་སྦྲིད་སྨན་སྨན་པ་དཀའ་བཅུ་པ་ཀའོ་ཅོན་གྱིས་འཚབ་འཚུབ་མེད་པར་ཁ་གཏད་འཇལ་བ་དང་།ནད་པའི་ནད་གཞིར་མགྱོགས་མྱུར་དཔྱད་དཔག་གང་ལེགས་བྱས་རྗེས།ཁྲི་འདུ་རྫོང་སྦྲིད་སྨན་སྨན་པ་དཀའ་བཅུ་པ་དང་དེ་བཞིན་ཅང་སུའུ་སྨན་བཅོས་རོགས་སྐྱོར་རུ་ཁག་དང་མཉམ་དུ་ནད་པར་ལུས་ཡོངས་སྦྲིད་པར་བྱེད་པ་དང་།བརྒྱུད་རིམ་ཧྲིལ་པོར་ཚེ་སྲོག་ལ་ཚོད་འཛིན་ཏན་ཏིག་བྱས་ཏེ།གཤགས་བཅོས་བྱེད་པར་གཡས་གཞོགས་གཡོན་འདེགས་བྱས།གཤགས་བཅོས་ཁང་གི་ནད་སྐྱོང་པ་ཐང་ཆི་ཁྲེན་གྱིས་མ་གྲོས་གཅིག་མཐུན་ངང་གཞོགས་འདེགས་བྱས་ཏེ།ཕན་ནུས་ཆེ་བའི་ངང་གཤགས་བཅོས་བཀོལ་སྤྱོད་མཐུན་སྦྱོར་དང་འབུ་ཕྲ་མེད་པའི་འགན་སྲུང་བྱས་ཡོད།ཁྲི་འདུ་རྫོང་མི་དམངས་སྨན་ཁང་གིས་ནུས་ཤུགས་ཡོད་རྒུས་གཞོགས་འདེགས་དང་དངོས་རྫས་འདང་ངེས་ཀྱི་འགན་སྲུང་འོག་གཤག་བཅོས་ཆུ་ཚོད་གཅིག་ཙམ་རྒྱུན་མཐུད་ངང་མཇུག་བསྒྲིལ་བ་དང་།ནད་པའི་རིག་པ་ཡོངས་སུ་དྭངས་རྗེས་སྦུག་འཐེན་བྱས་ཏེ།གཤག་བཅོས་བརྒྱུད་རིམ་ཧྲིལ་པོ་བདེ་བླག་བྱུང་སྟེ།ནད་པའི་ནད་གཞི་ཉེན་མེད་དུ་བསྒྱུར་བ་རེད།